2023-05-25 17:04:50
【更多精彩内容】点击上面“智之望教育”关注
关注微信号，获取免费外教英语课！
【分享】点击右上角转发或分享本文到朋友圈
寻日嘅一场大雨
令大家第一时间霖翻起广州最出名嘅果首童谣
“落雨大，水浸街，阿妈担柴上街卖”
咁顺口嘅街头童谣
系我地童年熟悉嘅集体回忆
哩种集体回忆都几多
我地一齐数下
落雨大
落雨大，水浸街
阿哥担柴上街卖
阿嫂出街着花鞋
花鞋花袜花腰带
珍珠蝴蝶两边排
月光光
月光光，照地堂，年卅晚，买槟榔，
槟榔榔香，买紫姜，紫姜辣，买芙笪，
芙笪苦，买猪肚，猪肚肥，买牛皮，
牛皮薄，买菱角，菱角尖，买马鞭，
马鞭长，买屋梁，屋梁高，买把刀，
刀切菜，买锅盖，锅盖圆，买只船，
船头高，船尾矮，浸死两个番鬼仔，
一个浮头，一个浸底。
月光光，照地堂，虾崽你乖乖睡落床
听朝阿妈要捕鱼虾啰，阿爷看牛要上山坡
哦哦哦......
阿崽你快高长大啰 帮手阿爷去看牛羊
听朝(明天)阿妈要捕鱼虾啰! 阿嫲织网要织到天光
虾崽你快高长大啰 撑艇撒网就更在行
氹氹转 ：
氹氹转，菊花圆，炒米饼，糯米团。
阿妈叫我睇龙船，我吾睇，睇鸡仔，鸡仔大，摞去卖，卖得几多钱?卖得三百六十五个仙。
拍大骳：
拍大骳，唱山歌，人人话我无老婆，嘀起心肝娶返个，有钱娶个娇娇女，无钱娶个豆皮婆，豆皮婆，食饭食得多，屙屎屙两箩，屙尿冲大海，屙屁打铜锣。
猜呈沉：
呈沉剪，呈沉包，呈沉糯米叉烧包。老鼠吾食香口胶，要食就食豆沙包。
捉大贼：
点指兵兵，点指贼贼，点着谁人做大兵，点着谁人做大贼。
点虫虫：
点虫虫，虫虫飞，飞到荔枝基，荔枝熟，摘满屋，屋满红，陪住个细蚊公。
排排坐
排排坐，吃果果，猫衣(小猫)担凳比姑婆坐，坐烂个屎忽，唔好赖我，赖番隔离个二叔婆。
勾鼻佬
勾鼻佬，正死仔，
一入广东乱咁嚟，杀人放火以为威。
点不知，有嘢睇，遇着陈棠就飞石仔，
打到佢爬喺地下要食泥。
摇摇摇
摇摇摇，赶水过沙桥，
沙桥有螺执，搵眼针嚟挑，
细路哥唔要，畀只大香蕉
引到BB哈哈笑。
攋尿虾
攋尿虾，煲冬瓜，煮唔熟，赖亚妈
白榄仔，暗暗香
白榄仔，暗暗香，大哥买归亚嫂尝。
亚嫂唔尝，畀过细姑娘，
姑娘得食随街唱，果然大嫂惜姑娘。
萝卜头
萝卜头，点豉油，
点得多，咸过头，
点得少，淡茂茂。
佢以为，好正斗，
点不知，畀人踢箩柚，
一踢踢到西门口。
丫蝉喊
丫蝉喊，荔枝熟，
亚婆喊，买猪肉，
大人喊，畀滚水渌，
细蚊仔喊，畀米升焗。
肥婆肥腯腯
肥婆肥腯腯，买嚿猪肉去拜神，
行到半路屎窟痕，返到屋企冇晒人。
XXX个头
XXX个头，大过五层楼，
XXX只手， 细过荷兰豆，
XXX嘅屎窟屙豆豆。
以为佢好醒
以为佢好醒，原来系个猪头丙，
以为佢好Fit，原来系个大水瀄。
霖真一霖，如果系我地嘅小朋友呢?
如果系距地大个佐落雨阵时
会唱得出乜童谣咧?
【分享到朋友圈】
点样分享比老友？
①点击右上角→点击“分享到朋友圈”
②点击右上角→点击“查看官方账号”→点击“关注”
③点击右上角→点击“查看历史消息”
本站部分内容从互联网中收集，以传播更多信息为目的，版权归原作者所有。原作者有任何疑问请及时联系网站管理员，本站将立即予以纠正
增值自己，任何时候都不迟，赶紧点击“阅读原文”预约英语外教专属精品试听课